5/05/2017

MARIÑA PATRIMONIO SOLICITA A INCLUSIÓN DUN NOVO PETRÓGLIFO NO CATÁLOGO DE XACEMENTOS ARQUEOLÓXICOS.

As gravuras rupestres, localizadas por unha veciña do concello, atópanse a tan só cincuenta metros da casa do Concello de Cervo.
Mariña Patrimonio vén de solicitar á Dirección Xeral de Patrimonio a inclusión no Catálogo de Xacementos Arqueolóxicos dun petróglifo situado no lugar de Pena da Arca, apenas a cincuenta metros do Concello de Cervo.
O petróglifo está formado por varias cazoletas ou coviñas (arredor de quince) e por varios sucos, dos cales algúns rodean as coviñas formando círculos concéntricos.
Mariña Patrimonio confía en que Patrimonio non demore a inclusión deste novo achado no Catálogo de Xacementos, o que permitirá garantir a súa protección. Así mesmo, esta asociación agradécelle a Pilar, a muller que descubriu as gravuras rupestres, por terlles informado sobre a existencia deste novo xacemento que se suma ao xa importante patrimonio arqueolóxico do Concello de Cervo.

1 comentário:

ABdMetal disse...

Son de moi pretiño e non sabía deste lugar... como se pode chegar a el? é formidable!!