A MÁMOA DO TESOURO, NOVO XACEMENTO ARQUEOLÓXICO NO CONCELLO FOZ

 

Trala solicitude realizada pola asociación MariñaPatrimonio, a Dirección Xeral de Patrimonio vén de incluír no inventario de xacementos arqueolóxicos a Mámoa do Tesouro. O Túmulo do Tesouro, situado no lugar do Sisto, parroquia de Cordido (concello de Foz) é un dos de maior dimensións da Mariña. Conserva unha gran altura e un diámetro de 25m. Ten un cono de espoliación de 1,75m de profundidade e non se aprecian os chantos da cámara.

O Tesouro de Cordido, afectado por unha plantación de eucalitos, debido á súa monumentalidade e a que a localización e identificación son moi doadas, reúne as mellores condicións para presentalo como exemplo do megalitismo en Foz e convertilo noutro reclamo cultural e turístico dun concello e dunha comarca inmensamente ricos nun patrimonio ao que, polo de agora, pouco proveito se lle está a sacar.

Punta do Castro (San Miguel de Reinante)

Ao retiraren a planta invasora, uña de gato, do parapeto da Punta do Castro (San Miguel de Reinante), quedou á vista o resto dunha garita de vixilancia (moderna) e nunha cota inferior un muro que podería ser a muralla do castro.

A Pena das Vellas

 A Pena das Vellas é un recinto fortificado de finais da Idade do Bronce, segundo os entendidos. Este impactante sitio arqueolóxico inventariado atópase na Pontenova. Na última imaxe figuran as coordenadas. Paga a pena visitalo.

+Fotos

Dragoas

No escudo do pazo de Gradaílle ( O Valadouro) pódense ver dúas fermosas dragoas en "top-less"

Cabeza do valado do Pazo de Gradaílle (O Valadouro)

Castro do Coto da Vela (Xove).

 Castro de Coto da Vela (Xove) - Voo Americano. Ano 1946

 Castro de Coto da Vela (Xove) - Voo Americano. Ano 1956

 Castro de Coto da Vela (Xove) - Voo Americano. Ano 1956

 

 Castro de Coto da Vela (Xove) - Mapa de relevo sombreado

 Castro de Coto da Vela (Xove) - Mapa de Pendentes. Ano 2009-2010

San Tirso 1956

 Fotos aéreas do castro de San Tirso (Portocelo - Xove) en 1956.

‘O segredo que esconde San Tirso’

Agradecemos a Carlos Fdez Louzao, así como ás veciñas e veciños da parroquia de Portocelo, por darnos a oportunidade de falarlles sobre o patrimonio arqueolóxico da súa contorna, na charla que tivo lugar onte no Centro Social de Vilachá.

Xornada ambiental de limpeza submariña en San Cibrao

Xornada de limpeza submariña, organizada por CEMMA e O Centro de Activiades Subacuáticas Costa Lugo, e na que colaboramos xunto con outras organizacións.

+Fotos

Viaxe cultural

Para achegarnos á Fonsagrada non fan falla moitas excusas, pero aproveitando que o noso veciño mariñán, Celso Dourado, inaugura a exposición “Represaliados” no Museo Etnográfico de Fonsagrada, Mariña Patrimonio está a organizar unha viaxe cultural para o vindeiro sábado, 8 de novembro, a esta vila. A xornada comezarémola cun roteiro que transcurrirá pola inacabada estrada da República e que irá dende A Ferrería de Vilar da Cuíña até A Fornaza.
Rematado o roteiro, dirixirémonos a Barbeitos, onde se continuará coa xornada cultural e onde faremos unha parada para xantar. Posteriormente, desprazarémonos ao Museo Comarcal no que teremos unha visita guiada. Ás 17:30h unirémonos á inauguración da citada exposición “Represaliados”. A exposición é unha homenaxe aos membros do Batallón Galicia e ao comandante Moreno, asasinados polo fascismo no alto do Acevo hai agora 77 anos. A inauguración contará coas actuacións de Mini e Mero e do músico fonsagradino , Brais Monxardín.
Dende A Mariña trasladarémonos en autobús.
Para se anotar e informarse no Tfn.619 55 32 36 (Miguel), no correo electrónico mr.patrimnio@gmail.com ou a través do facebook.
Nos próximos días imos achegar información máis detallada sobre esta actividade.